ابليس يصف الوضع في الاردن

من طرف **HEBA $amasat** الجمعة نوفمبر 05, 2010 9:06 am

ابليــــس يصـــف الوضـــع والحالـــة في الاردن

كان في غرفته, يلملم ملابسه في حقيبة إلى جانب باقي متعلّقاته, على المنضدة القريبة كانت استقالته موقّعة ومختومة حسب الأصول, وبجوارها تقبع ون-واي تيكت إلى جزر القمر. كانت ملامح وجهه في تلك اللحظات تنطق بالحزن, الكآبة, الإحباط, اليأس, وقلّة الحيلة... مع دهشة مزمنة ارتسمت عليه منذ فترة ليست بالقريبة, واعترافٍ بالعجز والفشل.إبليس راحلٌ عن بلادنا إلى غير رجعة... فليفرح المؤمنون...

- وين يامسهّل؟ ليش عم بتضبّ اغراضك؟-

- يازلمة ما عاد لي قعدة عندكو, إلي سنين عاطل عن العمل وقرّبت أموت من الجوع..

- بلاقيش معك سيجارة ياخوك؟ مش قاطع فيكو لا وسواس ولا خنّاس!

- كنت زمان بوسوس للوحدة تسيب ابنها يعيّط وهي بتحكي مع جاراتها, هسّة صاروا لحالهم يرموا اولادهم في الحاوية أوّل مايجوا!

- كنت أوسوس للواحد ينسى يسمّي الله قبل مايوكل, هسّة بطّل حدا لاقي إشي يوكله!

- يازلمة إذا أنا إبليس تسمّمت بالشاورما!

- كنت برضو بوسوس للشب يرميله كلمة ع البنت وهي ماشية بالشارع, صاروا البنات يطقّسوا ع الشباب بكلام أنا نفسي بستحي أحكيه!

- واحد بسرق 6 مليون دينار عينك عينك بحبسوه 3 سنين في فيلاّ ع شطّ العقبة,

- وتنين بنبشوا في مكبّ الزبالة بتطخّهم الشرطة,

إنتو بدّكو إبليس إنتو؟!

صار عندكم فائض في الفساد بكفّي 30 سنة لقدّام,

صرت أخاف على حالي منكم!

يازلمة مرّات بضطرّ أوسوس بالشقلوب وأقول للمسؤول إرحم وللحرامي بكفّي خلّي شويّ للحراميّة اللي رح ييجوا بعدك!

يعني إذا إنتو لحالكو سمالله بتعملوا كل هالبلاوي,

أنا إبليس شو أعمل؟ أشتغل شوفير تكسي يعني ولاّ أفتح صالون حلاقة؟

ماظلّ غير أقدّم للأوقاف يعيّنوني واعظ أو إمام جامع!

ثمّ فتح الباب وانطلق خارجاً إلى غير رجعة

من طرف **Hanan** الجمعة نوفمبر 12, 2010 11:49 am

الحقيقه نعم هذا واقنا يعني الطالب من الفطرة تبعته انو يغش والمعلم يهمل وغيرها من الاشياء الله يحميناء اااااااااااااااااااامين الموضوع اكتر من رووووووووووعه ابليس يصف الوضع في الاردن 549696

من طرف **HEBA $amasat** الجمعة نوفمبر 12, 2010 11:53 am

فعلا الله يجيرنا من الي جاي ...تسلمي حبيبتي

من طرف **Hanan** الجمعة نوفمبر 12, 2010 12:03 pm

اااااااااااااااااااااااااااااميـــــــــــــــــــــــــــــــــــــــــــــــــــــن والله بطلع منا

من طرف **HEBA $amasat** السبت نوفمبر 13, 2010 5:26 am

كلنا بنطلع منها

من طرف **haneen** السبت نوفمبر 13, 2010 5:30 am

وانا رح اطلع معكو..........هههههههههههههههههههههههههه

من طرف **HEBA $amasat** السبت نوفمبر 13, 2010 5:41 am

يالا بنستناكي بسرعة لا تتأخري الباص بستنى

من طرف **haneen** السبت نوفمبر 13, 2010 5:43 am

يلا دقيقة بس البس ههههههههههههههههههههه

من طرف **בושרה עאמר** السبت نوفمبر 13, 2010 8:40 am

وانا وانا لا تنسوني ... الله يكبر عقولكن ههههه

من طرف **EMAN MRAYAT** السبت نوفمبر 13, 2010 9:04 am

فعلاً الله يكبر عقولكن ابليس ادو يطلع من شركن وبدكن تلحقنو

من طرف **בושרה עאמר** السبت نوفمبر 13, 2010 9:10 am

ههههههههههههه ... حلوة هاي يا ايمان " ابليس بدو يطلع من شركن وبدكن تلحقنو "

من طرف **HEBA $amasat** الأحد نوفمبر 14, 2010 10:39 am

هههههههههههههه ....... يا سلام

من طرف **Hanan** الأحد نوفمبر 14, 2010 11:40 am

انا ورا ورا والزمن طويــــــــــــــــــــــــــــــــــــل

ابليس يصف الوضع في الاردن

ابليس يصف الوضع في الاردن

رد: ابليس يصف الوضع في الاردن

رد: ابليس يصف الوضع في الاردن

رد: ابليس يصف الوضع في الاردن

رد: ابليس يصف الوضع في الاردن

رد: ابليس يصف الوضع في الاردن

رد: ابليس يصف الوضع في الاردن

رد: ابليس يصف الوضع في الاردن

رد: ابليس يصف الوضع في الاردن

رد: ابليس يصف الوضع في الاردن

رد: ابليس يصف الوضع في الاردن

رد: ابليس يصف الوضع في الاردن

رد: ابليس يصف الوضع في الاردن